„Daniel hefur verið mjög oft meiddur síðustu mánuði, og kannski ár, svo það er eðlilegt að svona komi upp. Líkaminn þarf að aðlagast auknu álagi á æfingum og það þarf að gera mun á alvarlegum sársauka og hefðbundnum sársauka," segir Klopp.

„Allir vilja fá hann sem fyrst aftur á völlinn en öll þurfum við að læra. Þetta er ekki alvarlegt en við þurfum að bregðast við öllum aðstæðum. Þannig er það með meiðsli."

Annars er það að frétt af meiðslamálum Liverpool að fyrirliðinn Jordan Henderson hefur hafið æfingar að nýju og ekki er langt í hans endurkomu. Klopp segir að Henderson sé ólmur í að komast aftur út á keppnisvöllinn.

Liverpool er í níunda sæti ensku úrvalsdeildarinnar en liðið mætir Swansea á sunnudag.