„Við þurfum að safna stigum. Við erum allir einbeittir að því að gera það besta sem við getum. Það eina í stöðunni er að reyna að fá eins mörg stig og hægt er," segir Mourinho.

„Chelsea er stórt félag, stór félög fara í gegnum erfiða tíma og lifa það af. Þau vinna að því að eiga góðar stundir aftur."

Mourinho sat fyrir svörum á fréttamannafundi í dag en þar tilkynnti hann að markvörðurinn Thibaut Courtois, sem meiddist á hné í september, væri á góðum batavegi en vonast er til þess að hann snúi aftur fyrir miðjan desembermánuð.

Óvíst er hvort varnarmaðurinn John Terry geti spilað gegn Tottenham í hádeginu á sunnudag en hann gat ekki æft í dag. Mourinho vonast til að fyrirliðinn verði með í leiknum.

„Ef hann spilar ekki þá tökumst við á við það. Ég hef fullt traust á Gary Cahill og Kurt Zouma," segir Mourinho.