Ólafur Helgi Kristjánsson spjallaði við Fótbolta.net eftir 1-0 tap FH gegn Fjölni í Bose mótinu fyrr í kvöld.
FH tapaði þar með báðum riðlaleikjunum í æfingamótinu og telur Óli sína menn þurfa að nýta undirbúningstímabilið til fulls.
FH tapaði þar með báðum riðlaleikjunum í æfingamótinu og telur Óli sína menn þurfa að nýta undirbúningstímabilið til fulls.
„Mér líst nú aldrei vel á að tapa. Við skoruðum ekki mark og þeir gerðu glæsilegt mark. Það var mjög vel gert hjá honum (Birni Snæ) að sjá að Gunni var úti og setja boltann yfir hann. Við höfum sex mánuði núna til þess að æfa og verðum að nýta þá vel." sagði Óli að leikslokum.
Það eru fjórir nýir menn á leið til FH-inga en Ólafur býst ekki við þeim fyrr en eftir áramót.
„Það kemur enginn fyrir áramót. Þeir eru bara á leiðinni, hver í sínu horni. Kristinn er í smá pásu, Hjörtur Logi missteig sig á æfingu, Guðmundur Kristjáns úti og Castillion er ennþá úti."
Óli segir mögulegt að Hjörtur Logi Valgarðsson, sem er kominn heim eftir sjö ára veru í Svíþjóð og Noregi, muni spila sem miðvörður í ljósi þess að Böðvar Böðvarsson hefur fest sig afar vel í sessi í stöðu vinstri bakvarðar.
„Það á enginn öruggt sæti í liðinu. Ég hugsa að Hjörtur geti spilað vel í miðverði. Hann hefur mjög góðan vinstri fót, les leikinn vel, er með góða reynslu og ég er alveg fullviss um að hann geti spilað þessa stöðu mjög vel."
Athugasemdir