AC Milan hefur keypt Fernando Torres af Chelsea en Spánverjinn er búinn að vera á láni hjá ítalska risanum. Það er hins vegar enn talið líklegt að hann fari til Atletico Madrid, frá Milan, en hann lék þar á árum áður við afar góðan orðstýr.
Chelsea hefur nú staðfest að Milan hafi keypt Torres og því muni hann ekki lengur vera á láni hjá félaginu.
Spánverjinn skrifaði undir tveggja ára lánssamning við Milan liðið í sumar en honum hefur gengið illa að festa sig í sessi hjá liðinu.
Talið er að Torres gæti farið til Atletico Madrid og Alessio Cerci myndi þá fara í hina áttina.
Athugasemdir