Liðið vann sinn þriðja leik í röð í gær en þá sigruðu þeir Leicester 2-1.

Tottenham er nú aðeins tveimur stigum frá fjórða sætinu. Kane skoraði sjálfur fyrsta mark leiksins áður en Leonardo Ulloa jafnaði leikinn. Það var síðan Christian Eriksen sem tryggði Tottenham stigin þrjú með fallegu marki beint úr aukaspyrnu.

,,Við erum að spila vel," sagði Kane eftir að hafa skorað 15. mark sitt á leiktíðinni. ,,Eftir að þeir skoruðu, þá vöknuðum við til lífsins og bjuggum til færi og Eriksen skoraði frábært mark.

,,Hann er toppleikmaður. Hann er búinn að vera frábær eins og liðið í heild. Við gerðum það sem við þurftum að gera."

,,Við höfum verið að spila betur á síðustu vikum og ég held við getum náð topp fjórum ef við höldum áfram."