Heimild: Aftenbladet
Sverrir Ingi Ingason og félagi hans Árni Vilhjálmsson.
Danska félagið Nordsjælland hefur lagt fram nýtt tilboð í Sverri Inga Ingason varnarmann Viking í Noregi en Aftenbladet greinir frá þessu.
Viking hafnaði á dögunum tilboði sem hljóðaði upp á 3-4 milljónir norskar krónur. Nýja tilboðið er upp á fimm milljónir norskar krónur eða 86 milljónir íslenskar.
Viking hafnaði á dögunum tilboði sem hljóðaði upp á 3-4 milljónir norskar krónur. Nýja tilboðið er upp á fimm milljónir norskar krónur eða 86 milljónir íslenskar.
Sverrir kom til Viking frá Breiðabliki fyrir rúmu ári síðan og spilaði vel á sínu fyrsta ári í Noregi.
Ólafur Kristjánsson, þjálfari Nordsjælland, þekkir Sverri vel síðan hjá Breiðabliki á sínum tíma.
Ólafur fékk Guðmund Þórarinsson til liðs við Nordsjælland frá Sarpsborg fyrir helgi en fyrir hjá danska félaginu eru einnig Guðjón Baldvinsson, Adam Arnarson og Rúnar Alex Rúnarsson.
Athugasemdir
