Birkir Bjarnason var á skotskónum í Serie B í dag þegar Pescara heimsótti lið Virtus Entella.

Alls voru sjö mörk skoruð í leiknum og fór eitt rautt spjald á loft. Mark Birkis kom undir blálokin í fyrri hálfleik en hann kom Pescara í 3-1. Birki var svo skipt útaf á 88.mínútu.

Þetta var fimmta mark Birkis í deildinni í vetur.

Sigurinn fleytir Pescara upp í 7.sæti en liðið á í harðri baráttu um sæti í umspili þar sem sæti 3-8 gefa umspilsrétt.