„Seinni hálfleikurinn var mjög góður en við erum aftur á móti mjög ósáttir með fyrri hálfleikinn," sagði Ólafur Hrannar Kristjánsson, sóknarmaður og fyrirliði Leiknis.

„Við viljum ekki þurfa að fá á okkur eitt til tvö mörk til að byrja leikina. En seinni hálfleikurinn var mjög góður og við náðum að skeina okkur."

„Við höfum verið með varnarmenn í meiðslum en erum að endurheimta þá."

Ólafur skoraði annað mark Leiknis í leiknum en hann lék frammi með nýjum Bandaríkjamanni sem Leiknir hefur fengið, Matt Horth.

„Þetta er stór og sterkur strákur. Ég held að hann muni nýtast okkur mjög vel."

Hvernig lýst Ólafi á sumarið framundan í 1. deildinni?

„Ef við spilum rétt úr þessu sem liðið hefur upp á að bjóða þá tel ég að við getum náð langt. Við vorum um miðja deild í fyrra en viljum gera betur í ár. Markmiðið okkar er að ná að taka þátt í toppbaráttunni og við ætlum okkur einn daginn að fara upp um deild. Það kemur að því," sagði Ólafur en viðtalið má sjá í sjónvarpinu hér að ofan.