Eiður Smári Guðjohnsen var vitanlega ánægður eftir 3-0 sigur Íslands á Kasakstan í dag. Eiður spilaði sinn fyrsta landsleik síðan í nóvember árið 2013 og skoraði sitt fyrsta landsliðsmark síðan árið 2009.
,,Auðvitað er alltaf gaman að skora. Sérstaklega fyrir landsliðið. Það var ansi langt síðan að ég skoraði fyrir landsliðið og þetta var mikið gleðiefni. Þetta var fyrsti leikurinn í langan tíma og þetta var gaman," sagði Eiður Smári Guðjohnsen
,,Auðvitað er alltaf gaman að skora. Sérstaklega fyrir landsliðið. Það var ansi langt síðan að ég skoraði fyrir landsliðið og þetta var mikið gleðiefni. Þetta var fyrsti leikurinn í langan tíma og þetta var gaman," sagði Eiður Smári Guðjohnsen
Eiður skoraði eftir sendingu frá Jóhanni Berg Guðmundssyni í fyrri hálfleik en markið kom eftir lélegt útspark hjá markverði Kasakstan. Íslendingar refsuðu fyrir það.
,,Það er það sem gerist í fótbolta í hæsta gæðaflokki. Sem betur fer erum við farnir að refsa öðrum fyrir þeirra mistök. Það var margt mjög jákvætt. Það er hægt að setja út á vissa kafla í leiknum sem voru ekki alveg nógu góðir en við vorum að reyna að halda í þetta og klára leikinn í rauninni."
Leikurinn í dag fór fram innandyra á gervigrasi. ,,Það var skemmtileg stemning á vellinum. Þetta var mjög gaman. Það var ekkert óþægilegt við þetta. Loftið var mun ferskara í kvöld heldur en þegar við höfum verið að æfa. Þetta var ekki eins erfitt og maður bjóst við."
,,Við eigum hrós skilið fyrir að hafa verið mjög vel skipulagðir og undirbúið okkur vel með því að lesa í leik þeirra."
Hér að ofan má sjá viðtalið í heild sinni.
Athugasemdir