Íslenska landsliðið vann sannfærandi 3-0 útsigur gegn Kasakstan ytra í kvöld. Þvílík frammistaða hjá liðinu. Afar faglega klárað en hér má sjá einkunnagjöfina eftir leikinn.
Hannes Þór Halldórsson 7
Fékk ekki mörg erfið skot á sig en var öruggur í öllu sem hann gerði.
Birkir Már Sævarsson 7
Öryggið uppmálað og skilaði sínu mjög vel.
Kári Árnason 8
Algjör hershöfðingi í vörninni. Gerði klárlega tilkall í að vera maður leiksins.
Ragnar Sigurðsson 8
Miðverðirnir skiluðu gríðarlega öflugri vinnu og Raggi var á tánum allan tímann.
Ari Freyr Skúlason 6
Átti í smá vandræðum af og til en átti samt sem áður fínan leik, alltaf að.
Birkir Bjarnason 8
Afar flott frammistaða hjá Birki. Hefur verið nokkuð duglegur við markaskorun á Ítalíu og heldur uppteknum hætti.
Aron Einar Gunnarsson 7
Lék mjög vel en þurfti að yfirgefa völlinn í lokin vegna meiðsla.
Gylfi Þór Sigurðsson 8
Það hefur verið algjört konfekt að fylgjast með Gylfa í keppninni og hann hélt áfram. Mögnuð fyrirgjöf í marki Birkis.
Jóhann Berg Guðmundsson 7
Mjög líflegur, áberandi og duglegur þó hann hafi ekki alveg náð að stilla skotmiðið nægilega vel.
Eiður Smári Guðjohnsen 8 - Maður leiksins
Maður fékk gæsahúð þegar Eiður braut ísinn. Þvílík endurkoma! Sýndi þau mögnuðu gæði sem hann býr yfir.
Kolbeinn Sigþórsson 5
Er ekki kominn í sína bestu leikæfingu og komst ekki í takt við leikinn.
Varamenn:
Jón Daði Böðvarsson 6
Athugasemdir