Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 28. mars 2015 12:30
Arnar Geir Halldórsson
Meiðsli Marchisio ekki alvarleg
Læknir ítalska landsliðsins í ruglinu
Læknir ítalska landsliðsins í ruglinu
Mynd: Getty Images
Claudio Marchisio, miðjumaður Juventus og Ítalíu, verður ekki lengi frá vegna meiðsla sem hann hlaut á æfingu ítalska landsliðsins í gær.

Í fyrstu var óttast að hann hefði slitið krossbönd og bárust fréttir þess efnis að hann yrði frá í 6-8 mánuði. Þessar fréttir hafa nú verið dregnar til baka.

,,Marchisio sagði mér að hann hefði heyrt smell í hnénu. Við fyrstu skoðun virtist vera um krossbandaslit að ræða og þá gáfum við út yfirlýsingu þess efnis. Við sendum hann beint til lækna Juventus til frekari skoðunar og þeir segja að krossbandið sé ekki slitið. Að sjálfsögðu verð ég mjög ánægður ef það reynist rétt", segir Enrico Castellacci, yfirlæknir ítalska landsliðsins.

Á heimasíðu Juventus er staðfest að meiðslin séu ekki alvarleg og er vonast til að Marchisio geti farið að æfa eftir nokkra daga.

Paul Pogba verður ekki með næstu vikurnar vegna meiðsla og þá er Andrea Pirlo að jafna sig eftir meiðsli og má liðið því ekki við frekari skakkaföllum á miðjusvæðinu.
Athugasemdir
banner
banner
banner
banner