Rosenborg náði ellefu sinnum að komast í riðlakeppni Meistaradeildarinnar á árunum 1995 til 2007. Nils telur að íslensk félög geti komist í riðlakeppnina í framtíðinni.

„Íslensku liðin hafa bætt sig síðustu 4-5 árin og komist nær og nær. Stjarnan vann Lech Poznan í fyrra og Hafnarfjörður hefur verið nálægt þessu."

„Þetta var eins í Noregi. Ekkert félag hafði komist í riðlakeppni en síðan kom Rosenborg fram á sjónarsviðið. Þetta var smá heppni í fyrsta skipti en í næsta skipti var engin heppni. Önnur félög fetuðu síðan í fótspor þeirra. Félög þurfa að vinna meira saman en þau gera í dag."

Rosenborg hefur ekki náð sömu hæðum undanfarin ár eftir að velgengni liðsins í Evrópukeppnum lauk árið 2007. Hver er ástæðan?

„Það er löng saga. Ég get komið aftur á næsta ári til að tala um það. Það voru margar ástæður fyrir þessu bæði innan og utan félagsins. Ég get ekki svarað þessu á 10 sekúndum," sagði Nils.

Smelltu hér til að horfa á upptöku af fundinum í morgun