fim 28. apríl 2016 15:54
Magnús Már Einarsson
Hummels biður um að fá að fara til Bayern
Mynd: Getty Images
Borussia Dortmund hefur staðfest að Mats Hummels, varnarmaður liðsins, hafi óskað eftir því að ganga til liðs við þýsku meistarana í Bayern í sumar.

Dortmund segist þó einungis ætla að selja Hummels fyrir risa upphæð.

„Mats Hummels hefur tilkynnt félaginu að hann óski eftir því að fara í sumar og ganga til liðs við Bayern Munchen," sagði í yfirlýsingu á vef Dortmund í dag.

Ekkert formlegt tilboð hefur komið frá Bayern í Hummels og ljóst er að hann fær ekki að fara ódýrt frá Dortmund.

Hinn 27 ára gamli Hummels ólst upp hjá Bayern en hann fór til Dortmund árið 2009.
Athugasemdir
banner
banner
banner