Philipp Lahm, fyrirliði Bayern Munchen, átti erfitt með að skilja hvernig liðinu tókst ekki að skora gegn Atletico Madrid í undanúrslitum Meistaradeildar Evrópu í gærkvöldi.
Þjóðverjarnir voru miklu meira með boltann í leiknum en eina mark leiksins skoraði Saul Niguez, miðjumaður Atletico Madrid, á 10.mínútu.
„Við vorum í vandræðum í byrjun en í seinni hálfleiknum sköpuðum við okkur mörg færi. Við bjuggumst ekki við að fá svona mörg færi en því miður tókst okkur ekki að nýta þau," sagði Lahm.
Nokkrir liðsmenn Bayern voru ósáttir með vallaraðstæður á Vicente Calderon og var Lahm einn þeirra sem kvartaði yfir þeim eftir leikinn.
„Völlurinn var alls ekki góður. Það var erfitt að spila boltanum. Í seinni leiknum getum við spilað betri fótbolta," sagði Lahm.
Athugasemdir