Belgíski miðjumaðurinn Radja Nainggolan mun ganga í raðir Chelsea næsta sumar samkvæmt heimildum nokkurra fjölmiðla í Englandi.
Mirror greindi frá því í gær að Chelsea hefði komist að samkomulagi við AS Roma um kaup á Nainggolan fyrir 28 milljónir punda.
Sömu heimildir herma að þessi 27 ára gamli miðjumaður muni gera fimm ára samning við Lundúnarliðið.
Nainggolan hefur leikið með Roma frá því í byrjun árs 2014 en hefur verið orðaður við Chelsea mjög reglulega í vetur.
Antonio Conte, landsliðsþjálfari Ítalíu og fyrrum stjóri Juventus, hyggst taka með sér nokkra leikmenn úr ítalska boltanum þegar hann tekur við stjórnartaumunum hjá Chelsea í sumar og hafa Kostas Manolas, varnarmaður Roma, og Leonardo Bonucci, varnarmaður Juventus, verið orðaðir við ensku meistarana.
Athugasemdir