„Þetta verður mikil barátta og verður það oft í fyrstu leikjunum. Við verðum að vera tilbúnir að mæta þeim."

Rúnar segir að Jóhann Laxdal sé enn meiddur hjá Stjörnunni en að öðru leyti séu allir heilir og klárir slaginn. Markvörðurinn Duwayne Kerr er þó enn ekki kominn með leikheimild.

„Þetta gengur vonandi í gegn á næstu dögum. Hann er núna í Bandaríkjunum að bíða eftir að fá stimpil, annað er klárt. Ef allt gengur að óskum verður hann kominn fyrir mánudaginn, ef ekki verður að hafa það," segir Rúnar.

Hann staðfestir að Sveinn Sigurður Jóhannesson muni standa í rammanum gegn Fylki verði Kerr ekki kominn með leikheimild. Líklegt sé svo að Sveinn verði lánaður.

Viðtalið við Rúnar var tekið á kynningarfundi Pepsi-deildarinnar og má sjá í heild í sjónvarpinu hér að ofan.

Fyrsta umferð Pepsi-deildarinnar:

sunnudagur 1. maí
16:00 Þróttur R.-FH (Þróttarvöllur)
17:00 ÍBV-ÍA (Hásteinsvöllur)
19:15 Breiðablik-Víkingur Ó. (Kópavogsvöllur)
20:00 Valur-Fjölnir (Valsvöllur)

mánudagur 2. maí
19:15 Stjarnan-Fylkir (Samsung völlurinn)
19:15 KR-Víkingur R. (Alvogenvöllurinn)