banner
   fös 28. apríl 2017 18:30
Elvar Geir Magnússon
Íslenskur fótboltamaður dæmdur fyrir kynferðisbrot
22 ára fótboltamaður fékk dóm fyrir kynferðisbrot.
22 ára fótboltamaður fékk dóm fyrir kynferðisbrot.
Mynd: Getty Images
22 ára gamall fótboltamaður var dæmdur í þriggja mánaða skilorðsbundið fangelsi fyrir kynferðislega áreitni og brot á barnaverndarlögum. Vísir hefur undir höndum dóm héraðsdóms.

Maðurinn var dæmdur fyrir að káfa á 15 ára stúlku og sent henni kynferðisleg skilaboð í gegnum Snapchat vorið 2015, þegar hann var 20 ára.

Kemur fram að þau hafi æft hjá sama félagi en auk þess var maðurinn að starfa í félagsheimili íþróttafélagsins og við þjálfun yngri íðkenda. Hann var þó ekki að þjálfa stúlkuna.

Manninum var vikið frá störfum hjá félaginu í kjölfar brotanna og leikur hann nú fyrir meistaraflokk annars félags.

Samkvæmt ákæru var manninum gefið að sök að hafa áreitt stúlkuna kynferðislega með því að hafa snert rass hennar, utanklæða og í framhaldinu ítrekað sent henni gróf kynferðisleg skilaboð í gegnum Snapchat. Var hann meðal annars ákærður fyrir skilaboð þar sem hann bað stúlkuna um að stunda kynlíf með sér og sendi henni að minnsta kosti í eitt skipti mynd af kynfærum sínum.

Maðurinn var dæmdur til að greiða stúlkunni hálfa milljón króna í miskabætur en nánar er fjallað um málið á Vísi.
Athugasemdir
banner
banner
banner