Ólafsvíkingar ætla að fá 1-2 leikmenn til viðbótar
Það eru spænskir dagar í Ólafsvík en tveir nýir Spánverjar hafa gengið til liðs við félagið í dag. Fyrir hjá liðinu eru spænski markvörðurinn Cristian Martinez og varnarmaðurinn Aleix Egea.
Varnarmaðurinn Nacho Heras Anglada og miðjumaðurinn Alonso Sanchez fengu leikheimild í dag en þeir voru á reynslu í æfingaferð Víkinga á Spáni á dögunum.
„Þetta eru ágætis leikmenn. OKkur leist ágætlega á þá úti," sagði Jónas Gestur Jónasson formaður Víkings
„Við höfum fína tengingu á Spáni og fína reynslu af leikmönnum. Markvörðurinn okkar er til dæmis að kenna íþróttir í grunnskólanum hjá okkur. Menn vilja koma og búa í Ólafsvík og það er gott mál."
Ólafsvíkingar eru að púsla saman liði rétt fyrir mót.
„Ég held að þjálfarinn (Ejub Purisevic) sé ekkert rosalega kátur með þetta. Það er smá höfuðverkur að púsla þessu og það gæti tekið nokkra leiki að slípa þetta saman,"
„Við ætluðum að láta ungu og efnilegu strákana hjá okkur spila fram í mars. Það dróst aðeins hjá okkur að fá leikmenn því að við fengum ekki þá leikmenn sem við vildum fá."
„Ég held að þjálfarinn sé ekkert rosalega kátur með þetta. Það er smá höfuðverkur að pússla þessu. Það gæti tekið nokkra leiki að spila okkur saman."
Víkingur mætir Val í 1. umferð Pepsi-deildarinnar á sunnudag en von er á fleiri nýjum leikmönnum eftir þann leik.
„Við erum að vinna í fleiri málum. Við náum ekki að klára fleiri fyrir Valsleikinn en við fáum vonandi 1-2 í viðbót. Við höfum verið að horfa á kantmann og framliggjandi miðjumann," sagði Jónas.
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir