Grótta er komið upp í 2. sæti 2. deildar eftir þægilegan sigur á Völsungi í dag, en þetta var síðasti leikur dagsins í 2. deild karla.

Grótta var 1-0 yfir í hálfleik eftir mark frá Viktori Smára Segatta, en um miðjan seinni hálfleikinn bætti Gunnar Birgisson við öðru marki Gróttu.

Viktor Smári bætti síðan við öðru marki sínu og í uppbótartíma skoraði Sigurvin Reynisson fjórða og síðasta mark Seltirninga.

Þægilegur sigur heimamanna því niðurstaðan í þessum leik, en eins og áður segir er liðið nú í 2. sæti deildarinnar með níu stig. Völsungur er með tvö stig í 10. sæti.

Markaskorarar af urslit.net