banner
   lau 28. maí 2016 14:11
Guðmundur Aðalsteinn Ásgeirsson
Heimild: Vísir 
Alfreð sérfræðingur hjá Stöð 2 Sport í kvöld
Alfreð fagnar hér sigurmarki sínu gegn Arsenal í vetur
Alfreð fagnar hér sigurmarki sínu gegn Arsenal í vetur
Mynd: EPA
Það verður vegleg útsending frá úrslitaleik Meistaradeildar Evrópu í kvöld á Stöð 2 Sport.

Alfreð Finnbogason, landsliðsmaður og leikmaður Augsburg Þýskalandi, verður annar sérfræðinga í upphitun fyrir leik og í Meistaradeildarmörkunum að þættinum loknum.

Jóhannes Karl Guðjónsson, fyrrum landsliðsmaður, atvinnumaður og núverandi spilandi aðstoðarþjálfari HK, verður einnig í myndveri en hann hefur verið í því hlutverki í útsendingum Stöðvar 2 Sports frá Meistaradeildinni í vetur.

Alfreð var á mála hjá Olympiakos í Grikklandi á fyrri hluta tímabilsins og spilaði hann þá í Meistaradeild Evrópu með liðinu. Meðal annars skoraði hann frægt sigurmark Grikkjanna í 3-2 sigri á Arsenal í Lundúnum.

Hörður Magnússon mun stýra Meistaradeildarmörkunum, en úrslitaleiknum sjálfum verður svo lýst af Guðmundi Benediktssyni.

Upphitun hefst klukkan 18.15 og leikurinn sjálfur, sem er í opinni dagsskrá, hefst klukkan 18.45.
Athugasemdir
banner
banner
banner