„Já, þær fengu mun fleiri færi en við í leiknum svo það er frekar gott að fá eitt stig hér,” sagði Edda Garðarsdóttir þjálfari KR eftir 1-1 jafntefli við Þór/KA á Þórsvelli í dag.
Lestu um leikinn: Þór/KA 1 - 1 KR
„Mínar stelpur voru bara hörkuduglegar og héldu sig vel í skipulagi. Það eru svona ákveðnir hlutir sem við erum að reyna að bæta í okkar leik, sem gengu aðeins betur í dag en þeir hafa verið að ganga.”
Aðspurð um markmið KR í sumar vildi Edda ekkert gefa út um þau. „Við ætlum bara að halda þeim innanbúðar hjá KR. En við sjáum það náttúrlega bara hvernig þessi deild er að spilast, á liðunum í sumar og spilamennskunni, að gæðin verða betri og betri og það getur allt gerst í þessari deild."
Viðtalið við Eddu má sjá í heild sinni hér að ofan.
Athugasemdir
