Góðan og gleðilegan laugardag. Þið viljið slúður og þið fáið slúður.
Forráðamenn Manchester United eru vissir um að Zlatan Ibrahimovic (34) muni sameinast Jose Mourinho á ný á Old Trafford. (Daily Mail)
Umboðsmaður Zlatan Ibrahimovic hefur skapað vafa um hvert skjólstæðingur sinn fer. Hann segir að það gæti komið fólki á óvart hvar sænski sóknarmaðurinn endar. (Expressen)
Miðjumaðurinn Yaya Toure (33) mun tilkynna Pep Guardiola að hann vilji vera áfram hjá Manchester City eftir að hann hafnaði tilboði frá Kína. Toure hefði getað orðið launahæsti leikmaður heims. (Manchester Evening News)
Arsenal óttast að Bayern München reyni að fá Mesut Özil (27). Viðræður Arsenal og Özil um nýjan samning voru settar á ís til loka sumars. (Sun)
Liverpool þarf að borga 45 milljónir punda til að fá hægri bakvörðinn Aleix Vidal (26) þar sem Barcelona sér hann sem arftaka Dani Alves (33). (Mundo Deportivo)
Umboðsmaður pólska sóknarmannsins Robert Lewandowski (27) hjá Bayern München segir að viðræður hafi átt sér stað við Real Madrid. (Spiegel)
Antonio Conte vill ekki selja Willian (27) til Manchester United. Mourinho vill fá Brasilíumanninn frá Chelsea. Conte er tilbúinn að selja Oscar (24) í sumar. (Daily Mail)
Mauricio Pochettino, stjóri Tottenham, var myndaður í stúkunni á landsleik Írlands og Hollands þar sem hann sat með umboðsmanni Shane Long, sóknarmanns Southampton. (Telegraph)
Didier Deschamps íhugar málaferli gegn Eric Cantona eftir að sá síðarnefndi sagði að kynþættir hafi verið í huga Deschamps í landsliðsvali Frakka fyrir EM í sumar. (Guardian)
Marko Arnautovic (27) segir að Jose Mourinho sé besti stjóri heims þrátt fyrir að hafa aðeins fengið þrjá leiki, alla sem varamaður, undir hans stjórn hjá Inter. (Stoke Sentinel)
Athugasemdir