„Við töpuðum nánast leiknum,” sagði gríðarlega svekktur þjálfari Þórs/KA, Jóhann Kristinn Gunnarsson eftir 1-1 jafntefli við KR á Þórsvelli í dag.
Lestu um leikinn: Þór/KA 1 - 1 KR
Tölfræði leiksins var ótrúleg en heimastúlkur áttu 29 marktilraunir gegn 3 hjá gestunum.
„Já, þegar það vantar gæði, þá er ég ekki að tala um að það vanti gæði inn í liðið heldur vantaði bara að einstaklingar sem hafa gæði, væru að sýna gæði. Það er það sem liðinu okkar vantaði í dag og þess vegna kláruðum við ekki. Yfirburðirnir voru augljósir og það þarf ekkert að ræða þá, og vissu það allir sennilega fyrir leik líka.”
Aðspurður hvort mætti skrá þetta á einbeitingaleysi sagði Jóhann:
„Þetta er einhver blanda. Ég var nú að fara yfir þetta með þeim inn í klefanum rétt áður en ég kom hingað. Þetta er blanda af skorti af hinu og þessu, þetta er ekkert bara eitthvað eitt. Það er ekkert hægt að setja bara liðið á skotæfingar í viku og þá er allt inni. Þetta er bara hugarfarslegt, það er oft skortur á trú þegar maður er að fara í sendinguna eða skotið.”
Viðtalið í heild sinni má sjá hér að ofan.
Athugasemdir