„Auðvitað verður þetta skemmtilegur fótboltaleikur. Þetta eru Madrídarliðin að mætast og það verður ekki minni æsingur en 2014," sagði Kristján Guðmundsson, þjálfari Leiknis, í útvarpsþættinum Fótbolti.net.
Kristján fór yfir úrslitaleik Meistaradeildarinnar þar sem Real Madrid og Atletico Madrid eigast við í Mílanó.
Kristján fór yfir úrslitaleik Meistaradeildarinnar þar sem Real Madrid og Atletico Madrid eigast við í Mílanó.
„Leikmenn Real Madrid eru frjálsari en þeir voru undir stjórn Benítez. Zidane er enn nær því að hugsa sem leikmaður en þjálfari held ég. Hann létti á hópnum. Gareth Bale hefur notið það mest af þeim leikmönnum að mínu mati," sagði Kristján um breytinguna eftir ráðningu Zinedine Zidane.
Atletico Madrid hefur fengið hrós fyrir öflugan varnarleik en einnig gagnrýni.
„Það er hvergi skrifað hvernig fótbolti eigi að vera spilaður. Það er hrikalega flott að sjá hvernig Simeone setur leikinn upp hjá sínum mönnum. Þeir eru með ákveðna hugmyndafræði og sækja menn inn í hana."
Hlustaðu á spjallið við Kristján í spilaranum hér að ofan.
Sjá einnig:
Hlustaðu á upptökur Fótbolta.net gegnum Podcast
Athugasemdir