Cristiano Ronaldo vann í kvöld Meistaradeild Evrópu í þriðja skipti og í annað skipti með Real Madrid.
Hann átti kannski heldur rólegan leik í venjulegum leiktíma, en í vítaspyrnukeppninni skoraði hann úr síðustu spyrnu Real og tryggði titilinn.
„Vítaspyrnur eru alltaf eins og happadrætti, en þú veist aldrei hvað mun gerast," sagði Ronaldo í viðtali eftir leik.
„Liðið okkar sýndi meiri reynslu og við sýndum það með því að skora úr öllum vítaspyrnunum. Frábært kvöld fyrir okkur."
„Nú er tímabilið að enda og leikmenn eru ekki alveg heilir, við verðum núna að hvílast og fara svo á EM."
Athugasemdir