Sviss fékk Belgíu í heimsókn í vináttulandsleik í dag. Bæði lið eru að undirbúa sig fyrir Evrópumótið í Frakklandi og var þessi leikur liður í þeim undirbúningi.

Heimamenn í Sviss náðu forystunni á 31. mínútu þegar Berim Džemaili skoraði, en aðeins þremur mínútum síðar skoraði Romelu Lukaku og jafnaði metin fyrir Belga.

Lukaku er á leið frá Everton, en hann skoraði 25 mörk á tímabilinu sem var að líða. Staðan var 1-1 í hálfleik, en það voru Belgar sem skoruðu eina markið í seinni hálfleiknum.

Það skoraði Kevin de Bruyne, leikmaður Manchester City á Englandi, en hann átti mjög gott tímabili í ensku úrvalsdeildinni.

Sigur Belga staðreynd, en næsti leikur liðsins er gegn Finnum á miðvikudaginn. Sviss mætir Móldóvu á föstudaginn næsta.