Ronaldo neyddist til að draga sig í hlé á æfingu í vikunni vegna meiðsla í hné, en þrátt fyrir það er hann klár í úrslitaleikinn í kvöld.

Real mætir nágrönnum sínum í Atletico í úrslitaleiknum, sem hefst klukkan 18:45 á San Siro í Mílanó. Leikurinn er opinni dagsskrá á Stöð 2 Sport.

„Hann er 100 prósent í augnablikinu. Það var eitthvað sem var að angra hann fyrir leikinn gegn Man. City, en ég held að það sé allt í lagi með hann núna," sagði Zidane.

„Það var eitthvað smá vandamál hjá honum, en það er allt öðruvísi núna. Hann verður 100 prósent."

Real Madrid verður þó án krafta Raphael Varane í leiknum, en hann mun einnig missa af EM með Frökkum í sumar.