Hallgrímur og félagar spila í undankeppni Evrópudeildarinnar.
Lokaumferð efri hluta dönsku deildarinnar var spiluð í dag og komu Íslendingar við sögu.
Hjörtur Hermannsson og félagar í Bröndby ljúka keppni í 2. sæti og fá því inngöngu í undankeppni Evrópudeildarinnar. Hjörtur fékk rautt spjald á 11. mínútu í tapi gegn Nordsjælland í dag, Rúnar Alex Rúnarsson var ekki í liði gestanna vegna meiðsla.
Hjörtur Hermannsson og félagar í Bröndby ljúka keppni í 2. sæti og fá því inngöngu í undankeppni Evrópudeildarinnar. Hjörtur fékk rautt spjald á 11. mínútu í tapi gegn Nordsjælland í dag, Rúnar Alex Rúnarsson var ekki í liði gestanna vegna meiðsla.
Hallgrímur Jónasson lék þá allan leikinn í hjarta varnarinnar er Lyngby vann úrslitaleikinn um 3. sætið gegn Midtjylland, sem þýðir að þeir spila færri leiki í undankeppni Evrópudeildarinnar á næsta tímabili.
Eggert Gunnþór Jónsson var ekki með er Sönderjyske tapaði fyrir Kaupmannahöfn sem gjörsamlega rúllaði upp deildinni með 22 stiga mun. Liðið tapaði aðeins tveimur leikjum af 36, og komu bæði töpin í síðustu umferðunum.
Þá eru Theódór Elmar Bjarnason og Björn Daníel Sverrisson búnir að bjarga sér frá falli eftir 1-0 sigur AGF gegn Viborg. Báðir voru þeir í byrjunarliði Árósa.
Bröndby 1 - 2 Nordsjælland
1-0 T. Pukki ('9)
1-1 M. Ingvartsen ('55)
1-2 M. Rasmussen ('57)
Rautt spjald: Hjörtur Hermannsson ('11)
Kaupmannahöfn 2 - 0 Sönderjyske
1-0 F. Santander ('19)
2-0 U. Matic ('30)
Midtjylland 0 - 3 Lyngby
0-1 B. Blume ('35)
0-2 Rygaard Jensen ('45)
0-3 J. Kjær ('76)
Rautt spjald: J. Kjær, Lyngby ('82)
Aarhus 1 - 0 Viborg
1-0 Duncan ('10)
Athugasemdir
