Lestu um leikinn: Fjölnir 1 -  3 Stjarnan

Guðjón skoraði fyrsta mark Stjörnunnar í kvöld og hann er núna kominn með fjögur mörk í fyrstu fimm umferðunum, líkt og liðsfélagi hans Hólmbert Aron Friðjónsson.

„Við tveir höfum átt við sama vandamál að stríða og það er ekki að skora nóg. Við vorum báðir ákveðnir í að koma til leiks í ár og setja fleiri mörk og það virðist vera að takast."

„Þegar maður skorar ekki reglulega þá minnkar markanefið og maður fer fjær því að skora. Þegar maður byrjar snemma að skora þá kemur þetta náttúrulega og maður þarf ekkert að hafa fyrir þessu."

Mikil umræða var á Twitter í kvöld um færslu sem Kári, stuðningsmannaklúbbur Fjölnis, birti um Sigga Dúllu liðsstjóra Stjörnunnar. Færslunni var síðar eytt og Káramenn báðust afsökunar.

„Ég á eftir að skoða þetta betur en allt svona er ömurlegt. Menn eiga að vita betur árið 2017. Siggi er toppnáungi með breitt bak og hann tekur þessu ekkert illa," sagði Guðjón.

Hér að ofan má sjá viðtalið í heild sinni.