Oliver Sigurjónsson, miðjumaður Breiðabliks, hefur verið að glíma við meiðsli í kálfa og ekkert leikið síðan í tapinu gegn KA í fyrstu umferð.
Oliver var ekki í hópnum í kvöld þegar Blikar unnu Víking Ólafsvík en þjálfari Kópavogsliðsins, Milos Milojevic, vonast til að Oliver geti verið í hópnum í næsta leik þegar Breiðablik mætir ÍA á Akranesi.
Oliver var ekki í hópnum í kvöld þegar Blikar unnu Víking Ólafsvík en þjálfari Kópavogsliðsins, Milos Milojevic, vonast til að Oliver geti verið í hópnum í næsta leik þegar Breiðablik mætir ÍA á Akranesi.
„Meiðslin eru að lagast og ég vonast til að hann verði í hóp í næsta leik. Hversu mikið hann mun geta spilað verður að koma í ljós. Hann æfir í vikunni. Hann er okkur mikilvægur og kemur vonandi sem fyrst til baka. Það er törn framundan," segir Milos.
Oliver er 22 ára og er í hópi bestu miðjumanna deildarinnar. Eftir að hafa tapað fyrstu þremur leikjum sínum í Pepsi-deildinni eru Blikar búnir að vinna tvo í röð.
Athugasemdir