„Mér líður frekar illa, þessi leikur spilaðist ágætlega fyrir okkur og við erum með yfirhöndina í seinni hálfleik í stöðunni 1-1," sagði Bergsveinn Ólafsson fyrirliði Fjölnis eftir 1-3 tap gegn FH í kvöld.
Lestu um leikinn: Fjölnir 1 - 3 FH
„Við erum klaufar að nýta ekki okkar sénsa, við erum yfir á flestum stigum. Ef við hefðum nýtt sénsana þá hefði leikurinn ekki farið 3-1 en FH eru flott lið, flottir einstaklingar og fljótir að refsa fyrir mistök."
Fjölnir fékk dauðafæri til að komast yfir en mistókst að gera það.
„Svona gerist stundum þegar færin eru ekki nýtt þú færð það í bakið. Það gerist núna en við getum ekki breytt því núna og verðum að horfa fram á veginn."
„FH eru drullugóðir, og eru fljótir að refsa fyrir mistök. Þeir gerðu það meðal annars í öðru markinu þegar þeir komast í 2-1. Við missum boltann á 16 metrunum og þeir refsa okkur. Það gengur ekki að gera svona mistök á móti svona góðu liði eins og FH."
„Tveir tapleikir eru enginn heimsendir. Við erum ennþá með 17 stig og í ágætisstöðu. Við þurfum bara að rífa okkur upp."
Athugasemdir