Heimir Guðjónsson.
„Mér fannst þetta flottur sigur á erfiðum útivelli," sagði Heimir Guðjónsson þjálfari FH við Tómas Meyer eftir 1-3 sigur á Fjölni í kvöld.
Lestu um leikinn: Fjölnir 1 - 3 FH
„Fjölnisliðið er mjög gott og hefur gengið vel í deildinni. Hafa gott skipulag. Mér fannst við mjög góðir í fyrri hálfleik og spiluðum á köflum mjög vel en misstum aðeins tökin á þessu í byrjun seinni hálfleik og þeir komust inn í leikinn og fengu einhver færi. En við náðum að rétta okkar hlut og landa þessu, sanngjarn sigur."
Fjölnir tók yfir leikinn á 20 mínútna kafla í síðari hálfleik.
„Við unnum okkur til baka og kláruðum þetta. Þegar við byrjuðum seinni hálfleikinn vorum við pínu að hætta að gera þessa hluti sem virkuðu í fyrri hálfleiknum en náðum að vinna okkur út úr því. Við vorum of mikið að þvinga hlutina í stað þess að hafa þetta einfalt."
Þeir voru búnir að korleggja ykkur vel?
„Það fannst mér ekki en ég veit að þú ert með öðruvísi skoðun en aðrir."
Athugasemdir
