Ólafur Jóhannesson, þjálfari Vals, var að vonum ánægður með góðan 4-2 sigur sinna manna gegn ÍA í dag. Sigurinn var sanngjarn og hefði getað verið enn stærri.
Lestu um leikinn: Valur 4 - 2 ÍA
„Ég er mjög sáttur við sigurinn, þetta var fínn leikur hjá okkur."
„Mér fannst við komast í marga möguleika til að gera betri stöðu fyrr en svona er fótboltinn. Ég er fyrst og fremst ánægður með að hafa haldið út og klárað leikinn með stæl."
Valsliðið átti ekki sinn besta leik gegn ÍBV í síðustu umferð og vildi Óli svara fyrir þann leik.
„Við töldum okkur skulda sjálfum okkur að spila alvöru leik. Ég held við höfum gert það í dag."
„Skaginn er með gott lið, þeir komu hingað, börðust eins og ljón og eru bara fínir."
Ólafur var spurður hversu langt liðið gæti komist.
„Það er undir okkur komið, við höldum bara áfram að safna stigum. Það er ekkert vesen á okkur ennþá."
Viðtalið í heild sinni má sjá hér að ofan.
Athugasemdir