Englendingar eru vægast sagt pirraðir eftir tap enska landsliðsins gegn því íslenska í 16-liða úrslitum EM í gær.
Roy Hodgson hætti sem þjálfari landsliðsins eftir leikinn og í kjölfarið hefur skapast mikil umræða um hver eigi að taka við liðinu.
John Cross, þaulreyndur íþróttafréttamaður Daily Mirror, segir að nú sé mikilvægast að fá besta mögulega manninn í starfið. Hann er jafnframt á því að það eigi ekki að vera Englendingur.
Hann segist vera búinn að fá nóg af enskri vitleysu fyrir eina viku og er þar væntanlega að vísa til Brexit málsins.
Tíst hans má sjá hér að neðan.
England need the best man for the job. That means it shouldn't be an Englishman. I've had enough Little Englander nonsense for one week.
— John Cross (@johncrossmirror) June 28, 2016
Athugasemdir