Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 28. júlí 2014 14:24
Magnús Már Einarsson
Þórður Steinar í Val (Staðfest)
Þórður Steinar Hreiðarsson.
Þórður Steinar Hreiðarsson.
Mynd: Fótbolti.net - Hafliði Breiðfjörð
Varnarmaðurinn Þórður Steinar Hreiðarsson hefur gengið til liðs við Val. Þórður Steinar er uppalinn Valsari og er því á leið á heimaslóðir en hann hefur undanfarna mánuði leikið í Sviss.

,,Við erum mjög ánægðir með að fá hann," sagði Magnús Gylfason þjálfari Vals við Fótbolta.net í dag.

,,Okkur vantaði leikmann sem getur spilað þessar stöður hægra megin í vörninni, bakvörð og hafsent. Hann er reynslumikill og það er mikill fengur í honum til að auka breiddina í vörninni."

Þórður er 27 ára gamall en hann lék með Blikum í þrjú ár áður en hann hélt utan eftir síðasta tímabil. Þórður stefnir fljótlega út aftur.

,,Ég ætla að stoppa heima í mesta lagi ár. Ég stefni aftur út hvort sem það verður fótboltatengt eða skólatengt," sagði Þórður við Fótbolta.net fyrr í mánuðinum.
Athugasemdir
banner
banner
banner