Brynjar Ásgeir kom inná sem varamaður í upphafi framlengingunnar. Hann var búinn að vera inná vellinum, í 14 sekúndur þegar hann handarbrotnaði eftir að hafa farið í návígi við leikmann Inter Baku.

Brynjar kláraði hinsvegar leikinn þar sem FH-ingarnir voru búnir með allar skiptingar sínar í leiknum.

„Það er ljóst að maður verður að fara drekka meiri mjólk," sagði Brynjar Ásgeir sem fer í læknisskoðun í dag og þar kemur í ljós hvort hann geti spilað í kvöld.

Kristján Flóki Finnbogason fékk rautt spjald í upphafi seinni hálfleiks í leiknum. Brynjar Ásgeir meiddist síðan á 97. mínútu og undir lokin var Kassim Doumbia orðinn tæpur. FH-ingarnir kláruðu því leikinn ansi lemstraðir.

FH féll úr leik, en leiknum lauk með jafntefli og fóru Inter Baku því áfram en þeir unnu einvígið samtals 4-3.