þri 28. júlí 2015 11:20
Magnús Már Einarsson
Ögmundur maður leiksins í fyrsta heimaleik
Mynd: Hammarby
Ögmundur Kristinsson var valinn maður leiksins hjá Hammarby í 1-0 tapi gegn Norrköping í sænsku úrvalsdeildinni í gær.

Ögmundur var að leika sinn fyrsta heimaleik með Hammarby síðan hann kom til félagsins frá Randers á dögunum.

Ögmundur átti góðan leik í gær og varði nokkrum sinnum vel.

Það dugði þó ekki til því Arnór Ingvi Traustason og félagar í Norrköping fóru með sigur af hólmi.

Birkir Már Sævarsson lék einnig allan leikinn með Hammarby í gær.
Athugasemdir
banner
banner
banner
banner