,,Það var frábært upplifun að spila á þessum frábæra velli á móti þessu frábæra liði. Það var ótrúleg stemning hjá okkar fólki og á vellinum. Þetta var stór stund fyrir okkur alla," sagði Rúnar Páll Sigmundsson þjálfari Stjörnunna við Fótbolta.net eftir 6-0 tap liðsins gegn Inter í kvöld.
Stjörnumenn áttu lítið í leiknum í kvöld en Rúnar segir að það sé enginn skömm af því að detta út gegn Inter eftir frábæra frammistöðu í Evrópudeildinni.
Stjörnumenn áttu lítið í leiknum í kvöld en Rúnar segir að það sé enginn skömm af því að detta út gegn Inter eftir frábæra frammistöðu í Evrópudeildinni.
,,Inter liðið er firnasterkt og þeir voru miklu betri en við í þessum leik. Mér fannst við byrja ágætlega fyrstu 20 mínútrnar en síðan fáum við mark í andlitið og það er erfitt. Þeir skoruðu mjög flott mörk eftir það. Það hefði kannski verið hægt að koma í veg fyrir tvö mörk þegar við erum að leyfa þeim að snúa og skjóta."
,,Það eru þvílík gæði i þessu liði og við göngum sáttir frá borði. Þetta var frábær keppni. Það að spila í umspili á móti Inter er gríðarlega stórt. Þrátt fyrir að við höfum tapað 6-0 þá förum við sáttir frá borði," sagði Rúnar en Stjörnumenn munu seint gleyma leiknum í kvöld.
,,Þetta hefur verið þvílíkt ævintýri. Það voru ótrúleg margir á vellinum og stemningin hjá Inter var geðveik. Þetta var ótrúleg upplifun fyrir drengina og þá sem starfa hjá félaginu. Þetta er stór stund sem gleymist seint. Það er ekki á hverjum degi sem menn dragast á móti Inter sem vann Meistaradeildina 2010."
Athugasemdir