Hefur leikið sinn síðasta leik fyrir Wolfsburg
Klaus Allofs, yfirmaður leikmannamála hjá Wolfsburg, segir að Kevin De Bruyne verði orðinn leikmaður Man City á morgun í síðasta lagi.
De Bruyne var ekki í leikmannahópi Wolfsburg sem lagði Schalke af velli í Bundesligunni í kvöld.
„Við göngum frá öllum lausum endum í kvöld eða á morgun. De Bruyne fer til Man City", sagði Allofs í sjónvarpsviðtali í kvöld.
De Bruyne var einn besti leikmaður Bundesligunnar á síðustu leiktíð en hann kom til Wolfsburg frá Chelsea.
Þessi belgíski landsliðsmaður er langt því frá að vera ókeypis en eins og sagt var frá fyrr í dag mun hann fá um 200 þúsund pund í vikulaun hjá Man City.
Athugasemdir
