Aron Einar Gunnarsson.
Aron Einar Gunnarsson, fyrirliði íslenska landsliðsins, verður ekki með Cardiff gegn Nottingham Forest í ensku Championship deildinni á morgun.
Aron hefur nánast ekkert spilað í byrjun tímabils vegna meiðsla en í vikunni dró hann sig út úr byrjunarliði Cardiff í upphitun fyrir leik gegn MK Dons í enska deildabikarnum.
Aron hefur nánast ekkert spilað í byrjun tímabils vegna meiðsla en í vikunni dró hann sig út úr byrjunarliði Cardiff í upphitun fyrir leik gegn MK Dons í enska deildabikarnum.
Alfreð Finnbogason er einnig að glíma við smávægileg meiðsli og hann hvílir þegar Olympiakos heimsækir Levadiakos í grísku úrvalsdeildinni á morgun.
Heimir Hallgrímsson, annar af landsliðsþjálfurum Íslands, sagði á fréttamannafundi í dag að þeir verði líklega báðir klárir í slaginn þegar Ísland heimsækir Holland á fimmtudag.
„Samkvæmt öllum sem við tölum við, þá á þetta að vera í lagi," sagði Heimir.
Íslenska liðið kemur saman á mánudag fyrir leikinn mikilvæga á fimmtudag.
Athugasemdir
