„Ég horfði á þann leik frá Bandaríkjunum og ég er spennt fyrir því að vera partur af þessu núna. Í fyrra var þriðji bikarúrslitaleikurinn sem ég missti af á fjórum árum og ég var orðin svolítið vön því. Síðast þegar ég spilaði hérna 2010 varð ég bikarmeistari með Val og ég er mjög spennt að spila hérna aftur."

Dagný telur að Selfoss liðið sé betur undirbúið fyrir bikarúrslitaleikinn í ár heldur en í fyrra.

„Í fyrra voru margar stelpur að spila í fyrsta skipti í bikarúrslitum. Núna erum við reynslunni ríkari og ég held að það skipti máli."

Hvað þarf Selfoss að passa í leik Stjörnunnar til að vinna á morgun? „Ég skal tala um það eftir leik. Við erum farnar að skipuleggja þetta en ég get ekki sagt þér frá því," sagði Dagný hlæjandi að lokum.

Hér að ofan má sjá viðtalið í heild sinni.