Andri Adolphsson var í byrjunarliði Vals sem sigraði KR 2-0 fyrr í kvöld. Fyrsta mark leiksins kom á 73. mínútu þegar Andri fékk dæmda vítaspyrnu sem Kristinn Freyr Sigurðsson skoraði úr.
Lestu um leikinn: Valur 2 - 0 KR
„Frábær leikur fyrir áhorfendur og mjög gaman að spila hann, það voru allir klárir í leikinn og mikið barist," sagði Andri áður en hann var spurður út í hvort hann hafi átt skilið að fá umdeilda vítaspyrnu dæmda sér í hag á lokakaflanum.
„Ég er bara að fara að skalla boltann og svo keyrir einhver aftan í mig, þannig ég held að þetta sé klárt víti. Hann sparkaði mig niður held ég og ég náði ekki að skalla boltann."
Andri sagðist svo ekki hafa hugmynd um hvers vegna Skúli Jón Friðgeirsson hafi verið rekinn af velli og talaði um markmið Vals á tímabilinu.
„Að sjálfsögðu náum við Evrópusæti með að vera bikarmeistarar þannig að við ætlum að fara í hvern leik til að vinna og hafa gaman af þessu. Ég er búinn að sjá alla leikmennina brosandi allan daginn í dag, þetta er ógeðslega gaman."
Athugasemdir
