Manchester City er enn með fullt hús stiga í ensku úrvalsdeildinni eftir 3-1 sigur á West Ham.

City byrjaði leikinn hrikalega vel og sótti liðið án afláts frá fyrstu mínútu og kom það því lítið á óvart þegar Rahem Sterling kom þeim yfir eftir sendingu frá Nolito.

Fernandinho tvöfaldaði forskotið skömmu síðar en þrátt fyrir fleiri færi, var staðan 2-0 í hállfeik.

West Ham voru sterkari í seinni hálfleik og tókst þeim að gera þetta spennandi er MIchail Antonio minnkaði muninn með góðum skalla. Raheem Sterling var hins vegar aftur á ferðinni í blálokin til að tryggja City sinn þriðja deildarsigur í þrem leikjum.