Hermann Hreiðarsson, þjálfari Fylkis, var afar ósáttur eftir 1-1 jafntefli liðsins gegn Fjölni í kvöld.
Ingimundur Níels Óskarsson jafnaði metin þegar tæpar fimm mínútur voru komnar fram yfir venjulegan leiktíma. Uppgefinn viðbótartími í leiknum hafði verið fjórar mínútur og Hermann var ósáttur við jöfnunarmakið.
Ingimundur Níels Óskarsson jafnaði metin þegar tæpar fimm mínútur voru komnar fram yfir venjulegan leiktíma. Uppgefinn viðbótartími í leiknum hafði verið fjórar mínútur og Hermann var ósáttur við jöfnunarmakið.
Lestu um leikinn: Fjölnir 1 - 1 Fylkir
„Leiktíminn var liðinn, það er ósköp einfalt. Ég heyrði hann telja niður, 4, 3, 2, 1 og svo kemur brotið. Svo er hann rangstæður. Það er bara giskað á það hver flikkar boltanum áfram," sagði Hermann.
„Þetta er orðið þreytt. Það er hrikalega dýrt hvað þetta er oft. Ef ein ákvörðun hefði gengið okkur í hag í sumar þá værum við í þægilegri stöðu. Þetta er alltaf einhvernegin á móti okkur."
Hermann var ánægður með frammistöðuna hjá sínum mönnum í dag.
„Markvörðurinn þeirra hélt þeim inni í þessu. Við fengum langbestu færin í þessum leik. Þegar þú ert þarna niðrr þá verður þu að berjast fyrir öllu og við gerðum það svo sannarlega í dag. Þetta var frábær vinnsla og viljinn og trúin var frábær."
Fylkismenn eru ennþá fjórum stigum á eftir ÍBV og fimm stigum á eftir Víkingi Ólafsvík.
„Ef við höldum svona áfram, þá fáum við fullt af stigum. Við erum inni í þessari baráttu, það er alveg á hreinu," sagði Hermann.
Hér að ofan má sjá viðtalið í heild sinni.
Athugasemdir