Liverpool komst í úrslit deildabikarsins og Evrópudeildarinnar á síðasta tímabili sem var fyrsta tímabil liðsins undir stjórn Jurgen Klopp og hefur á þessu tímabili leikið ákaflega vel.

Giggs sá hvernig leikmenn stigu upp þegar Roy Keane yfirgaf Manchester United 2005 og telur að svipaðir hlutir séu að gerast á Anfield núna.

„Brotthvarf Gerrard hefur neytt aðra til að fylla hans skarð og stundum getur það gert liði gott að fókusinn fari af einhverjum einum einstaklingi," segir Giggs.

„Gerrard virtist alltaf vera mest áberandi aðilinn hjá félaginu sama hver var knattspyrnustjóri. Nú þegar hann er farinn er Klopp maðurinn. Gerrard var frábær leikmaður en að hann sé farinn hefur breytt „dínamíkinni" hjá Liverpool."