U17 ára landslið kvenna sigraði Færeyjar örugglega 4-0 í undankeppni EM í dag en leikið var í Írlandi.

Hlín Eiríksdóttir úr Val skoraði tvö mörk og Alexandra Jóhannsdóttir úr Haukum og Sólveig Larsen Jóhannesdóttir úr Breiðabliki skoruðu sitt markið hvor.

Íslensku stelpurnar unnu Hvíta-Rússland einnig 4-0 fyrr í vikunni.

Tvö lið fara áfram í milliriðla og því þarf mikið að ganga á í riðlinum ef Ísland á að missa af sæti þar.

Íslenska liðið mætir heimastúlkum í Írlandi í síðasta leik á mánuadg en það verður væntanlega úrslitaleikur um efsta sæti riðilsins.