Paul Merson, sparkspekingur Sky Sports segir Zlatan Ibrahimovic ekki vera í heimsklassa og segir að hann muni ekki verða betri en hann er nú þegar hjá Manchester United.
Zlatan hefur ekki skorað í fjórum leikjum í röð hjá United eftir góða byrjun á Englandi.
Merson segir hann ekki lengur í heimsklassa jafnvel þó hann skori gegn Burnley á laugardag. Hann á ekki von á að Zlatan muni sýna mikið það sem eftir lifir tímabils.
„Zlatan Ibrahimovic var heimsklassa framherji en hann er það ekki lengur. Hann er 35 ára og er að spila í erfiðistu deild heims og ég á ekki von á að hann verði betri eftir því sem líður á tímabilið."
„Mourinho mun þó halda tryggð við hann en Zlatan gæti fengið færi gegn Burnley sem hefur gengið illa á útivelli," sagði Merson.
Athugasemdir