Magnús Már Lúðvíksson hefur skrifað undir tveggja ára samning við Fram en hann yfirgaf herbúðir Vals á dögunum.
Ásamt því að spila með Fram verður hann aðstoðarþjálfari liðsins en þetta kemur fra í fréttatilkynningu frá félaginu.
Ásamt því að spila með Fram verður hann aðstoðarþjálfari liðsins en þetta kemur fra í fréttatilkynningu frá félaginu.
Magnús eða Maggi Lú eins og hann er gjarnan kallaður er 33 ára og hokinn af reynslu.
Hann á að baki rúmlega 150 leiki í efstu deild, 50 leiki í 1. deild og 27 bikarleiki. Hann varð Íslands- og bikarmeistari með KR árið 2011.
Magnús Már er auk þess afar fjölhæfur leikmaður sem getur leyst flestar stöður á vellinum. Hann spilaði alla leiki Vals í deild og bikar árin 2013 og 2014 og þótti einn besti maður liðsins.
,,Fram býður Magga Lú velkominn til félagsins og væntir mikils af samstarfinu," segir í fréttatilkynningunni.
Athugasemdir