Jamie Vardy skrifaði sig rétt í þessu í sögubækurnar í ensku úrvalsdeildinni.
Vardy kom Leicester í 1-0 gegn Manchester United og varð um leið fyrsti leikmaðurinn til að skora í ellefu leikjum í röð í ensku úrvalsdeildinni.
Vardy bætti þar með met sem Ruud van Nistelrooy setti með Manchester United árið 2003.
Mikil fagnaðarlæti brutust út á King Power leikvanginum þegar Vardy skoraði enda afrekið magnað.
Hinn 28 ára gamli Vardy kom til Leicester árið 2012 eftir að hafa áður leiki með Fleetwood Town í ensku utandeildinni.
Athugasemdir