Andri í leik á Skaganum.
Skagamaðurinn Andri Adolphsson er á leið í raðir Vals en aðeins á eftir að skrifa undir svo það sé frágengið. Andri staðfesti þetta við Fótbolta.net áðan.
„Þetta er spennandi. Ég mætti á æfingu í fyrsta sinn hjá þeim í gær og þetta er flottur hópur," segir Andri en hann spilaði 15 leiki með ÍA þegar liðið komst upp úr 1. deildinni í fyrra.
„Ég vildi breyta um umhverfi og takast á við nýjar áskoranir. Mér finnst þetta rétta skrefið fyrir mig."
Andri er 22 ára kantmaður og hefur aðeins leikið með ÍA hér á landi, alls 97 leiki í deild og bikar og hefur hann skorað sex mörk í þeim.
Ólafur Jóhannesson var ráðinn þjálfari Vals eftir síðasta tímabil en hann hefur áður fengið Ingvar Kale, Baldvin Sturluson og Orra Sigurð Ómarsson á Hlíðarenda.
Athugasemdir
